NYALASE DHALEM MEMPE

Uswatun Hasanah, lahir di desa Totosan, Batang-Batang, Sumenep 14 Maret 1990. Pendidikannya dimulai di MI. Miftahul Ulum Batang-Batang hingga manamatkan MA di lembaga yang sama. Kini, sambil kuliah di Sekolah Tinggi Ilmu Tarbiyah Aqidah Usymuni (STITA) Sumenep aktif di UKM. Komunitas PELAR STITA Sumenep dan Lembaga Kajian Seni Budaya PANGESTOH Net_Think Community Sumenep. Menulis sejak di bangku MTs berkat bimbingan guru bahasa dan sastranya berupa puisi, cerpen, artikel. Akhir tahun 2009 puisinya yang berjudul "Sabda Miladmu" terpilih sebagai lima nominator Lomba Karya Tulis Puisi Tingkat Umum Se-Madura versi BEM STIKA Putri 2009.


Angen kapetto asapo’ kembang noja
Asandhing neng e paspasan
Ngombar ro’om
Sabellunna pornama ngajum tanang

Asalengka’ e kasta se ta’ padha
Pornama maelang e sagara
Kandhas daddi masteka se sabarna
Gula

Se gun aorap okara ban naraka
Ta’ aharkat angocap asalerek asre
Lebat mempe
Nyalase dha’ dhadhana dika
Nyareya sadu’ur malathe

Karaton Pancer, Tang-Batang 2010



LANGNGE’ AENG MATA
Uswatun Hasanah

Mon gi’ langnge’ soddi
Mapote mata
Maderres tanges
Kantos
Mabiru beltana cabbi
Majenneng, socana dika
Matebbur ra-kara panemor
Ngoker
Salendang nyabigi padhi
Masanta’ galebber dalko’
Ngontap mesem neng bibirra dika
Atasdit alhamdulillah
Reng tane mekol landhu’
Reng pasaka’mekol nanggala asre
Kalaban pangonong
Aoker koneng emas somelana
Padha aompimpa maca bismilla
Agindhu’ tottobuwan sakeppel
Dhu, ma’ ngombar onggu
Andhang ngamera, ngabiru, ngapote
Ngobir biruna langge’
Soga’ parjuga akadi peddangnga musa
Mecca sagara
Mapesa panemor
Kalaban panyaop angen kapetto.

Gir-penggir Nil, Geddungan 23-04-2010



JAMANG PANGESTO
Uswatun Hasanah

Salaggi’ jemang pangesto
Ta’ ngoker kaasreanna dika
Terrona bula
Madhapa’a salamma ate
Se marengrenga jalanna pate
Ba’ bisa’a
E nalekana pornama aoter nyabigi mata
Nembanga taresna neng japarana dika
Mocang pangasren
Salanjangnga odhi’
Maske
Nyatana
Bula gun
Asango bakto penang
Gambir nes-kennes serre
Namong ta’ apalega pangarep bula
Eanddhegga pettong bulan
Nemanga nyeor gaddhing
Araoba komkoman pandhan kananga
Acantheng ronce’ baringen
Asapo’ labun sasebbit
Nandha’agiya ja’ bula ban dika
Bakal merteya pangapos buwana ate

Karaton Pancor, 21-04-2010