Sesaat lagi, situs dialihkan ke
http://www.lontarmadura.com
_______________

Bibir Tepes Ban Tajem Mata Tombak

17 Okt 2010
Lukman Haklim AG
Taon 2008 se tapongkor, bula kennal ban dika e settong masegit se badha e kotta Songennep. Bakto ganeko parappa`na OSPEK angkadan se kabidan e kampus se bula ban dika akuliah. Abit bula se terro taowa pasera nyamana dika  lebat matana se bulan birang ladding pasat nemor kara. Kalaban katajemmenna matana dika ganeka agabay bula perna nyaksene karettek se ajangngowa settong alam se sabellunna ta` tao ajalane saabidda. Alam taresna.
Sasowep salone mesem bibir dalima nambai rampa` jenno dhaun takerbay nyeser angen pangabasan kesset abangon caloret. Abangon caloret, onggu talengkongan ales dhaun memba abarna areng. Ganeka areng celleng caloret dhaun memba ales  matana dika.  Tadha` are otaba bulan e dhinto, egadhiya, kadhuwana kencop, elop se asonara marga todhus eabas matana dika, andhi`na dika, Is.
Larem, tape lebbi tajem dhari sadha`, cakkong ban samacemma. Robana dika, sagara ta` apaseser dhalem mempe kasorang bula kadiya potong kamoddhi maske lajar kebba` akerbay. E gadhiya, bula betta alajar nyosore mostajap kaodhi`an adhajung ta` amosem bara` ban nemor kaballu otaba kasanga.
Saterrossa, bula aerrem maske ta` ngaceng. Pas parcaja ja` tadha` oca` jubeng, merreng, ganggeng. Tape possa` kalaban odheng naleka bula matajem dhalem mandeng kalaban mata ta` kongse garreng.
Bula se lares dhalem mowara kajembaran salerana dika molae arassa`agi settong nyamana taresna pajat badha. Bula ajanji kaangguy mattre e bibirra dika ganeka sampe` ngakek bato etem kalaban sebbudan sonar petodu dha` bula. ban nyerep nyamana dika, Istiqomah.
Catheddan tanggal 05 Mei 2008

0 Pamanggi:

Posting Komentar

Diberdayakan oleh Blogger.