Sesaat lagi, situs dialihkan ke
http://www.lontarmadura.com
_______________

Puisi Madura A. Rahem Umar

22 Jul 2011

A. Rahem Umar rembi’ are Satto tanggal 05 Mei 1982. Oneng nyantre e Pondhuk Tareta tor akulia neng e STKIIP PGRI Songennep jurusan Pendidikan Matematika (lulus taon 2008). Saabidda akulia, Rahem aktip neng e UKM. Sanggar Lentera taon 2004 kantos 2006. Dhari taon 2006 kantos 2010 aktip neng e Lembaga Seni Budaya Muslim Indonesia (LESBUMI) NU Songennep. Rahem, kacathet menangka Juara II Festival Baca Puisi sakabupaten Songennep (Sanggar Pualam, 2004), Juara Arebban I Festival Teater Monolog (Sanggar Fataria, 2005) tor Juara III Festival Baca Puisi Sastra Udara Live Action (Radio Nada FM Sumenep, 2007). Tolesannepon aropa puisi tor cerpan oneng majang neng e Radar Madura (Jawa Pos Group, Majalah Retorika (Majalah Kampus  STKIP  PGRI Sumenep. Salaen gapenaka, puisiepon jugan takompol dhalem Antologi Penyair Nusantara 142 Penyair Menuju Bulan (Kelompok Studi Sastra Banjar Baru, Kalimantar Selatan, 2006).



Pengeran Katon
Tareka ka’dinto esto nyumber dari ihlasBagian dari odi’ bunga tor mellasNangeng dunnya daddi tera’ marga ajunan delem toan
Aburuk kulhu jugan pattehah
Elmu Allah aropa sagaraSe nyapcap da’ate se lebar tor sabbarMama’ embu’ guru ratoAjunan pangeran sengaton

Duh, mamak, duh, embu’Omessa ajunan ta’ kabitongPaggun nyelbi’ maske e nemor karaMaske soko aropa kerresNataki tana se secala jugan malas
Naleka aba’ sasarengan dimin amaenE mengkang ebabana tera’ bulan
Lit calilit lembung pappana lun alunAnak rato kaloar tombung giggi’ macanBibir tamisem bunga ta’ aromasaJaman aher ampon kalampaAba’ laju loppa
Duh, guruKamungging temor nyupre are muncarMungging bara’ nagamba’ are competAkadi angin ngebbas abu
Ate jareppen taseram patteha kulhuToggal alip dates a ba’ sin bawa bisBismillah ka ator bakte sa omorra
Munggu rato semajungi salametPanggunan sataja se talempetAjunan asoca apoyAbarisi akhlak da’ anak kompoiRato settong tonggal patotNgadek sodek parjuga

Ngatore semba nengkongSoko nonggal abirit shalawat se ekapolong
Sumenep, 26 Desember 2005
Baburugan 1 Dha’arragi neko’ nangkaTes-ngarettes dhaun saga
Dhuh, onggu tako’ bula ka naraka
Sakeng ta’ pantes bula e sowarga
            Dhaun jate dhaun tarnya’
            Gaggar ngalotor ta’ jau dhari babana
            Mesken ate mesken dunnya
            Jau dhari Allah odhi’ katon ta’ aguna
Ngampar lama’ e penggir bato
Mon ta’ mendhang ngampar dhaun jate
Maddha lampa’agi se lema baktoGabay sango pagi’ e Ajunan Guste
            Entar ka Songenep lebat Nyapar
            Pamolena nyempang Ambunten
            Maddha pabannya’ maca shalawat-istighfar            Insyaallah ate tennang, ate tarentem
Pangkeng Seppe Songennep,  270608


Jaran Gujang
Ka temor mapaga are moncar
Ka bara’ nyanda’a are compet
Miekol nyo’on nengteng taresna se talebat
Tabatbat ate ebatbat labun se pote
Taresna nieko, Ale’, nyelbi’ dhari sokma
Epekker kadhang kalowar dhari kappra
Kerrong se ta’ katamba’Esto se ta’ kasaba’
Pacca’ paccung buana jateBula ngaji, ajina jarang gujang
Sa’ang baringsangMaranga’ marengngo’ sang-tasangsang
Hup way, menta’ sokalillana kulhu songsang
Kul huwallahu ahad AllahusshamadMenta posang, posang
Teka posang, posang
Menta ngalengsang, ngalengsang
Teka ngalengsang, ngalengsang
Ngalengsang posangDha’ atena bula
Bi lailaha illallah muhammadurrasulullah
Songenep, 260608
  
Can-bacan 1
Are Kemmis sorop areNgalemba’ sokma atePekker ngalabang ta’ re-mareDhari mongging lao’ nyarowap bau malathe
Dika ale’ maddha dha’entoRoba manes akadi massa’na paoBula kerrong pekker ta’ nantoMarga enga’ dika settong se abibir cawo
Mata morka’ asella paka’Ales leres tanggal empa’Obu’ celleng pale’ katopa’Areba maddha pasepa’
Bismillahi neyat ngamba’ fulanBismillahi kulhu songsangSa’ang baringsangLa’as malas tasangsang malangLorga eenome la’angMenta posang laju posangMon ta’ posang dika palang
Hup way!!
Songennep, 12062009

0 Pamanggi:

Posting Komentar

Diberdayakan oleh Blogger.