Saloka Tor Parèbhâsan Madoerâ (6)

W.

255.   Wa-towa adjâm ; salokana orèng sè ghi’ ngodâna robâna djhoebâ’, sadjân towa sadjân raddhin.

256.   Wa-towa kalantjeng ; èkotja’aghi dâ’ orèng sè sadjân towa sadjân ngahliaghi dâ’ orèng binè’ ; arèja sanjatana bhângsana paparèghân, terrossanna bârijâ : wa-towa kalantjeng sadjân towa sadjân kenceng.

257.   Wa-towa patè’ ; salokana orèng sadjân towa sadjân djhoeba’ robâna.

258.   Wâng-goewâng nemmo taè ; salokana orèng sè nemmo djân-dhoedjânanna.

L.

259.   La-ala sè èkèttè’a djhârân ; otja’na orèng sè ollè pangaselan sakonè’ otabâ bâ’-djhoebâ’, ija ètarèma bhâi, ètèmbhâng bân èkettè’ djhârân ango’an bâdâ ollèna.

260.   La-ila tja’na orèng towa ; laranganna rèng towa ta’ èkennèng èterrak, lamon èterrak, ta’ boeroeng nèbâsè.

261.   Lalakè’ komangè ; èkotja’aghi dâ’ orèng lakè’ sè ta’ andi’ kabângalan.

262.   La katompangan bâlet ; èkotla’aghi dâ’ pa-apa sè ella abit dhâlloe, ella ta’ èkaènga’è.

263.   Lèkè ta’ nampèk bâ’â ; salokana kana’ binè’ ghi’ ta’ bhâllik, èpalakè’è orèng la towa.

264.   Laddhing tadâ’ bâdjhâna ; salokana orèng sè tadâ’ kakobâsa’anna otabâ kakowadhânna.

265.   365.Lè-pèlè boekkol ; èkotja’aghi dâ’ orèng sè mamèlènè, nangèng ollèna djhoebâ’.

266.   Lopot ( ngètjo’ ) tangghoe ; parbhâsanna orèng otabâ pa-apa sè kabâdâ’ânna ta’ tjotjok bân panangghoena orèng, opama : ètangghoe bettjè’, pas djhoebâ’ ; ètangghoe bângalan pas tako’an ; ètangghoe njaman pas ta’ njaman, b.s.l.

267.   Lopot bhâdjhâng sabân ; èkotja’aghi dâ’ orèng sè èdjhâoeâghi dâri panjakèt bân kasossa’an.

268.   Lemboe’ boen-emboenanna ; artèna ta’ radjâ atèna, ètjo-kotjo orèng ta’ gellem seddhi.

269.   Lebbi sodoe korang tadjhin ; parbhâsanna orèng sè kabânnja’an djhândjhi, nangèng tadâ’ kanjata’anna ; otabâ salokana orèng sè bânnja’ dhoenorra ( panglakona ) tapè korang lalakonna.

270.   Lèbar paanabhânna ; parbhâsanna orèng sè ella segghoet alolongan, tanto bânnja’ sè èkataoè.

271.   Laboe ka kasor ; salokana orèng sè tèbhâ njaman bhâi apa sè elakonè.

272.   Laboe sampajan ; salokana orèng sè noro’aghi apa sakarebbhâ orèng laèn, kongsè andhâddhiâghi lèboerra rèng-orèng djârèja.

273.   Lè’-ngolè’  matjan tèdoeng ; èkotja’aghi dâ’ orèng sè tja-ngantja orèng aghoeng.

274.   Lè’-ngolè’ sanggher ; èkotja’aghi dâ’ orèng sakè’ sara.

275.   Lang-elang sèndhem ; parbhâsanna orèng lake’ rem-malarem ngabhâssaghi orèng binè’, nangèng dâlem atèna andi’ pangara.

276.   Langka’ anjar polo’ anjar ; salokana orèng sè ghi’ bhoeroe alakè binè, lantjèng bân parabân.

277.   Long-along boengboeng ; salokana orèng sè abâsanna èlowar ta’ apa-rapa, nangèng èdâlem seddhi.

278.   Long-tolong saroso’ ; pada artèna ban song-osong lombhoeng.

279.   Lon-tolong karamat bheddjhât ; otja’na orèng atatolong dan’ orèng sè aghoeng se èlla kasangsara’an.

280.   Long-polong ramboe ; otja’na orèng sè long-mapolong ghân sakonè’, bit-abit bânnja’.

P.

281.   Pa’a mènta tokol ; salokana orèng njarè njangsarana otabâ tjalaka’na dhibi’.

282.   Pa’-empa’  sakabân ; parbhâsanna bhârang sè tadâ’ pèlèanna, ella padâ kabbhi.

283.   383.Pantjoran èapèt sèdhang ; parbhâsanna tarètan katello, sè panengnga lalake’.

284.   Pè-apè tangghiling matè ; salokana orèng sè katon rarem ( larem ) otabâ anteng mon bâdâ èadâ’na orèng, nangèng sanjatana soghi lalaghiân bân patjatja.

285.   Patot bi’ tjèntongnga ; otja’na papanglon ka orèng sè djhoebâ’ robâna tor tèngkana ta’ pèlak. Otabâ orèng sèla djoebâ’ robâna pas tèngkana djhoebâ’ sakalè.

286.   Patè’ sanaddjhân èpakanana roti, ta’ kèra loppa dâ’ taè ; èkotja’aghi dâ’ orèng sè ella mato ngalakonè kadjhoebâ’ân otabâ ma’sèjat, sanaddjhân ella amboe, kadhâng kala ghi’ ènga’ dâ’ kalakoanna sè asal.

287.   Potè mata bi’ potè tolang, ango’an potè tolang ; otja’na orèng sè radjâ atè, artèna : mon birâng ( todoes ) ango’an matèa.

288.   Parao ta’ nemmo angèn ; salokana orèng alolongan otabâ lân-djhâlânan, ta’ nemmo saddjhâna sè mastè.

289.   Poro kasendhoe bângkes ; salokana orèng nemmo kalèr, ghi’ ta’ lasta ( marè ) bhâlakka’,

290.   Poro sataon ( ta’ èkarassa bâtjengnga ) ; èkotja’aghi dâ’ orèng sè ta’ andi’ todoes, opama : aotang sanaddjhân li-balian ètaghi, ta’ endâ’ madjâr kèja, èghibâ ngè-sarèngèan bhâi.

291.   Poro tjolo’ ; èkotja’aghi dâ’ orèng sè toman ngotja’an sè sar-kasar bân apèsoan.

292.   Pèrèng amoso tjobik ; salokana bhângsa satrèja atokar bân orèng doemè’ otabâ bhângsa asor.

293.   Pako ngennèng ka kadjoe ; salokana panemmo otabâ pèkkèr sè la koko, ta’ kennèng èobâ polè.

294.   .Pèkolan bessè ; salokana orèng sè tjokop pangasèlanna, mendâng èkaghâbâj èngonna ana’ binèna, ta’ andhâddhiaghi kasossa’anna lâ-bhâlâna.

295.   Patè’ èkombhoe ; salokana orèng djhoebâ’, sè èpa’-pateppa’ bân eroek-boeroek   bhârâng bettjè’, nangèng ghi’ ngalakonè djhoebâ’ bhâi.

296.   .Pate’ ataè è tomangnga ; salokana malèng sè ngètjo’ è dhisana dhibi’, otabâ salokana orèng sè amèttra dâ’ dhoenorra dhibi’.

297.   Pate’ nemmo tètè ; salokana orèng tjengngeng ( tabhabhegghen ) marghâ tabharegghoek ( tadjhoeghoek ) teppa’na ngalakonè kadjoebâ’ân.

298.   Pètè’ èdhina’aghi korbhina ; salokana na’kana’ sè èdhina’aghi matè orèng towana, otabâ morèd sè ta’ èpardoeli ghoeroena, abhârèjaghân.

299.   .Pè-sapèan pappa ; salokana orèng sè anot mètorot sapakon ( talèbât toro’ otja’ ).

300.   .Padâ èkarana’ ètas lèntjak ; otja’na orèng dâ’ mosona, nodhoeaghi djhâ’ ta’ tako’ sabâb padâ moldjâna.

301.   Padâ èdhâdhâ bhâbhoe’na ; padâ artèna bân nomer : 399.

302.   Pagâr kalaras ; salokana bhâreng sè ta’ kennèng èpartjadjâ.  

303.   Paghârrâ orèng èrèksaghi, paghârrâ dhibi’ ta’ èrèksaghi ; èkotja’aghi dâ’ orèng sè arasanan kadjhoebâ’ânna orèng laèn, nangèng kadjhoebâ’ânna bân tjalèna dhibi’ ta’ èboekka’ sakalè.

Saloka

1. Saloka Tor Parèbhâsan Madoerâ
2. Saloka Tor Parèbhâsan Madoerâ (1)
3. Saloka Tor Parèbhâsan Madoerâ (2)
4. Saloka Tor Parèbhâsan Madoerâ (3)
5. Saloka Tor Parèbhâsan Madoerâ (4)
6. Saloka Tor Parèbhâsan Madoerâ (5)
7. Saloka Tor Parèbhâsan Madoerâ (6)
8. Saloka Tor Parèbhâsan Madoerâ (7)
9. Saloka Tor Parèbhâsan Madoerâ (8)
10. Saloka Tor Parèbhâsan Madoerâ (9)
11. Saloka Tor Parèbhâsan Madoerâ (Panotop)

asambung : Klik